الشعرثقافات

راحة البال… بقلم / فارس تغيان

راحة البال…

بقلم / فارس تغيان

ومنين نجيب راحة البال
دا حلم محال 
وراسم سكتي ع الرمل
وبهرب منها اروح ليها
كأني في شمس وهي الظل

كفايه ، القلب متكسر ?
ومتغرب ومتحسر
ووسط الأهل والأصحاب
كأني في غربة متكدر?

زرعت الورد في البستان ?
ووزعته في كل مكان
ولحنته وغنيتة
وعلقته على الجدران

دريت الحزن جوايا
وشوش مرسومه في مرايا
وكل دقيقة يظهر وش
ويطعن في قلوب الناس
وبعدين قال يقول معلش ?

ستاير حزننا مكشوفة
لا بداري ولا تخبي
هاتولي روشته موصوفه
من الدنيا بدل طبي

يا أجمل وردة في عيوني?
بلاش اليأس يقتلنا
بلاش الهم يفضحنا
بلاش الخلق تسمعنا
وغني من هوى شعري
ورب الكعبة ما تهوني 

تعالي نردد الألحان ?
ونسكن في ليالي زمان
وبأدينا نداوي الجرح
ونمسح دمعة الأحزان

تعالي ايديك في ايديا
نحقق حلم كان مصلوب
نعاند دنيا نفيانا
نغير كل شئ مكتوب

يا بدر العمر في العتمة
يا أنس القلب في المنفى
يا لحن الطير على الأغصان
يا ضحكة تعاند الأحزان
يا آخر الحب في الدنيا
يا آخر آية في القرآن

كتبت الفصحى والعامية 
حاربت في دنيا منفية
عشان اوصل ولما وصلت
عرفت إني العذاب ليا 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى