الشعرثقافاتعاجل

"هوى حيران "تأليف / عبدالحق عبده

هوى حيران
تأليف / عبدالحق عبده
غيابك عنى جنني
يا ساكن القلب والننى
بحبك بس مش قادر
تشوف الحب ليه منى
تعاتبك قلبي في شوقه
وتنسى جرح كان موته
بعاده لما بتسبنى
تلوم الشق والآهات
ودمع عيون في ذكريات
ويصبح في الخصام قلبك
طريق الهجر عذبني
يا كلمة حب عاشقها
يا دمعة شوق حاببها
ما بين البعد أنا وياك
بسيب القلب ليك موعود
يا كلمة في الهوى بتفوت
بعاتب قلبي في شوقه
وعلم دقته لموته
ومهما كان بنا خصام
غيابك في الهوى موال
بأذرع زهرتي جنة
وأكتب كلمتي أحساس
عيونك في الهوى دي كاس
يصحى حبنا جواك
يا ناسي العشق والموعود
يا قاسى في نظرتك بتجود
وترجع تانى تنساني
وتصبح فرحتك لي
خصام والهجر ليه بيطول
أشوف الزهر في أيدك
جنة للهوى الموعود
وفى عيونك تطول نظرة
ويصبح في الهوى محسود
وتنسى قلب كان بيجود
بحبك صار لهيب ووعود
يا أجمل كلمة مكتوبة
رأيتك في الهوى نوبة
تصبر قلبي على المقسوم
وجو عنيك أعيش موال
صابر لكن بدون أمال
وحبك في الهوى إنسان
عاشق في الشوق موالك
وتبعد مهما تبعد
يعيش الحب ليك عطشان
ويصبح شوقي مكتوبك
وموالك طريق حيران
يا ناسي القلب في بعادك
بحبك والهوى حيران

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى