” اتجمعوا ديابة “
بقلم ✍ : ريم جابر
ديابة زمان لعبوا على جثة العيان
وقسموا القسمة والكل سعيد فرحان
قالوها زمان اللى اختشوا ماتوا
والنهارده اللى رشوا عدوا وفاتوا
اباااااى عليك ياعم الحظ
روحت للاوساخ ولعبتها معاهم
رنيت على الخسيس زمان
وقلت ادونى من الطبق حتة
رد الخسيس وقال
الطبق من يومه متقسم ومترسم
ليه يا خال مااحنا غلابة
ونستحق وياكم
قال الخال لا طبقنا على قد قسمتنا
واللى عاوز م الطبق يقدم القربان
بتقول إيه ياجبان ماهو القربان
اتقدم زمان بالراجل الغلبان
ولا انتوا نسيتوا ولا انت كمان عيان
وبتنسى افعاالك
الله عليك ياجدع وياااااما ليك فى الخير
وفى الخطبة ومااحلى اقوالك واهوالك
تفضل تنادى وتكذب وتتجمل
بكلام وحاديت والكل يقرأ ويتأمل
وانا اضحك واستغرب
ماهو الأقرب بقى حية وكمان عقرب
بتقنعنى بكلام واهى ومفكرنى
لهفرح بيه واتجمل بذكراكم
ياعم الحج روح منى
جزاك ربك بافعالك
انا مش فخر اكون منكم
ولا بينكم وفين احنا
وفين انتم
ولا هدفى اكون بينكم
لأن نجمكوا العالى
راح زمنه خلاص ولى
ودلوقتى لما بقيت فاضى
عامل قاضى وتتسلى
وهتيجوا تذكروا المعنى
هكلمكم عن اللى مات
واللى عاش مقهور بالظلم وياكم
دى ذكراكم كلام وحاديت
وتاه المعنى وسط ديابة
قلابة بوش شيطان
وليه راجعين دلوقتى تقولوا آسفين
عجيب والله كتير يا زمان
حبايبنا كتبوا على وشوشهم
عندنا البجاحة عنوان
ماخلص العزا وشبعتوا وإيه عاوزين
وياريت قسمتكم تكونوا
عدلتوها تمام ياحزين
لميتهم فى جراب واحد صغيرهم
والاكابر كانوا فى الفرح حاضرين
قسمة هنية عليكم يا ولاد الحلال
واحنا عمرنا ماكنا للحرام واكلين
