مفالات واراء حرة

نور السبكى “أرحمونا من التكاتك”

نور السبكى “أرحمونا من التكاتك”

اثارت الاعلامية “نور السبكى” من خلال “لايف” على صفحتها على موقع التواصل الأجتماعى “فيس بوك”، قضية هامة تعد من أهم المشكلات والقضايا المثيرة بالمجتمع المصرى،

وهى قضية التكاتك ومشاكلها وتاثيرها السلبى على المجتمع، وعدم وجود تراخيص لها كباقى وسائل المواصلات والمركبات العامة والخاصة، كما ناشدت المسؤلين بتقنين وضع التوكتوك بمصر وترخيصة، وعدم إستخدامة لصغار السن والغير مؤهلين وذلك لتفادى المشاكل والمخاطر الناتجة من ذلك.

وقد وجد “الايف” أهتمامآ كبير من المتابعين، وإليكم بعض التعليقات على ما أثارتة من خلال مانشرته على صفحتها فى الفيديو.

وردا احد المتابعين حيث قال : (يا استاذه لازم أوجد البديل التكاتك مصدر رزق لناس كتير جدا رغم اني مش مع التكاتك بدون ترخيص بس هو بيكسب ايه عشان يرخص ويدفع الغرامات الحياه صعبه علي الناس لازم أوجد البديل اعمل في كل منطقه مصنع عشان أوفر عمل زي ما مهتير محمد عمل كلام كتير يا استاذه )

قالت السبكى :هو حضرتك لما بتروح تشترى ميكروباص او عربية اوموتسيكل مش بيرخص هى دة مش مركبة بتمشى على الأرض بتشيل ارواح بنى آدامين لما تعمل مصيبة المركبة دة هتجيب صاحبها أزاى.

اما بالنسبة لمصدر الرزق الأرزاق بيد الله اللى بيشتغل على توكتوك يروح يتعلم مهنة أوحرفة يشتغلها أفضل أحنا أصلآ بقى عندنا أزمة فى الأيدى العاملة.

هو ينفع طفل صغير يمشى بعربية فى الشارع يموت فى الناس بدون رقيب وبدون محاسبة هى أرواح الناس بقيت رخيصة قوى كدة مش فاهمة بصراحة أزاى.

انا بقول يكون فى تقنين للتكاتك وماحدش يركب توكتوك الا اذا كان معاة رخصة شخصية ومؤهل لذلك ويكون عدى السن القانونى ومسؤل ويكون فى رخصة للتوكتوك نفسة .

اعتقد مافيش دولة محترمة بالعالم يكون فيها مشاريع كبيرة جدآ بتتعمل بالماليارات زى المشاريع اللى بتتعمل فى بلدنا ويكون فيها مركبة بتمشى على الأرض بتشيل أرواح بنى آدامين ومايكنش ليها رخصة أو يعرفو يوصلو للى راكبها والمسؤل عنها.

تعالى معاية نتكلم بالعقل انت مش شايف معدل الجريمة اللى أرتفع لو عملت سيرش وبحث كدة هتجد إن أغلب الجرائم المرتكبة مش بيعرفو يوصلو لصاحبها أو المسؤل عنها بسبب مافيش حاجة تدل على صاحب أوسائق التوكتوك .
ماتحاولش تقنعنى بأى شكل من الأشكال أن دة ينفع فى أى دولة محترمة.

واخيرآ لو الحكومة عايزة تشيل كل التكاتك من مصر الصبح هتشيلها ولو عايزة تقننها هتقدر تقننها وتسيطر على من يقودها .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى