قصص قصيرة

مِن قِصصى القصيرة……قُصيصة خليك فى حالك يامحمود ياهلوتى

مِن قِصصى القصيرة……قُصيصة خليك فى حالك يامحمود ياهلوتى

كتب-محمدحمدى
محمود الهلوتى : إنتَ كُنت عاوزنى فى حاجة يا(أُستاذ) حنفى؟!
حنفى : أه!
محمود الهلوتى : عاوزنى فى إيه؟
حنفى : خليك فى حالك يا محمود يا هلوتى!
محمود الهلوتى : مَ أنا فى حالى يا(أُستاذ)حنفى!
حنفى : يا هلوتى ،خليك فى حالك!
محمود الهلوتى : هو فيه إيه بس؟
حنفى : عمال تجيب فى سيرة النِسوان فى الفاضى ،والمليان…
محمودالهلوتى : مَ حصلشى هذا الكلام!
حنفى : يا هلوتى ،إنتَ عندك مُزز؛فبلاش سيرة الحريم….
محمود الهلوتى : أنا مُش بأجيب فى سيرة حد،أنا كلامى كُله فى السياسة،والكورة…
حنفى : إنتَ ولا بتفهم حاجة فى السياسة ،ولافى الكورة ؛إنتَ عمال تتكلم على الفاضى ،والمليان وخلاص!
محمود الهلوتى : جايز!
حنفى : وكمان بلاش تدخل نفسك فى إللى ملكشى فيه!
محمود الهلوتى : مالك النهاردة يا(أُستاذ)حنفى،ومالى؟!!
حنفى : يا هلوتى خليك فى حالك،دا لو كان ليك حال أصلاً!
محمود الهلوتى : أنا مُش بأدخل نفسى فى حاجة أساساً؛حتى أنا فى البيت زى الكُرسى إللى إنتَ قاعد عليه!
حنفى : يا هلوتى ، إنتَ نموذج للمواطن المصرى النمام ،الرغاى….
محمود الهلوتى : أنا نمام ورغاى؟!
حنفى : لأ دا خيالك!
محمود الهلوتى : أنا طول النهار زى مَ إنتَ شايف قاعد فى المحل!
حنفى : طول النهار بتتنقل مِن مكان لمكان ،ولسانك زى المنشار،وياريت بتعرف تتكلم. هُم ليه سموك مزيكا؟!
محمود الهلوتى : علشان مُش بأحب الرقاصات؛فعندوا معايا وطلعوا عليا مزيكا!
حنفى : ربنا مسلط عليك إللى يعندك؛علشان إنتَ بتأذى الناس بلسانك!

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى