قصص قصيرة

مِن قِصصى القصيرة……..قُصيصة الفيرس حبس الناس فى البيوت يا بهانة

مِن قِصصى القصيرة……..قُصيصة الفيرس حبس الناس فى البيوت يا بهانة

كتب-محمدحمدى
صافيناز : الفيرس حبس الناس فى البيوت يا بهانة!
بهانة : ربك قادر ياختى على كُل شئ!
صافيناز : أدى أخرة الغِش ياختى!
بهانة : كُله بقى غِش فى غِش!
شيرين : هو الغِش بس؟!
وردة : الجوامع قفلت فى وش الناس يا بهانة!
بهانة : المحروس جوزك كان بيروح ينام فى الجامع ، والإمام على المنبر!
وردة : هو مين إللى قالِك يابِت؟!
بهانة : عبدالحليم إبنى،كان بيجى يقول : “الإمام ياما بيبقى على المنبر وإللى ورا بيتكلموا مع بعض ،وجوز خالتى وردة بيبقى نايم…..”
وردة : خليكى ياختى فى الشيشة بتاعتك!
صافيناز : صلوا على النبى يابنات أومال…
شيرين : عليه الصلاة والسلام!
صافيناز : دا إحنا هِنا فى نعمة دا الشباب المتغرب محبوس ياكبدى فى السكن وبيصرف فى الفلوس إللى معاه!
بهانة : عبدالحليم بيقولى : “ربنا حبس العِباد بفيرس ياما”
صافيناز : هى كانت ناقصة كورونا كمان!
وردة : حال البلد ياختى وقف أكتر ما هو واقف!
بهانة : إن شاء الله هتفرج ؛لإن الفيرس مُش بيحب الحر،الدور والباقى على الدول إللى فيها برد!
شيرين : الشر كُله جى مِن الدول إللى فيها برد!
بهانة : أصل إحنا هنا عندنا مفيش شر!
وردة : دا إحنا عندنا فيه أكل مال أيتام،وكدب،وخبص،……………
بهانة : بخت الناس ترجع لربنا بعد كورونا!
شيرين : مَ أظنش ياختى ، دا الجيل بيطلع ألعن مِن إللى قابله!
صافيناز : عندك حق ياختى!

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى