اخبار الرياضة

مِن قصصى القصيرة……قُصيصة "الله يرحم الكورة المصرية يا(كابتن)عادل"

مِن قصصى القصيرة……قُصيصة “الله يرحم الكورة المصرية يا(كابتن)عادل”

كتب-محمدحمدى
(الكابتن)ميزو: الله يرحم الكورة المصرية يا(كابتن)عادل!
(الكابتن)عادل : اللهم أمين.
(الكابتن) نور: البقاء لله!
(الكابتن)عادل : ونِعم بالله!
(الكابتن) ميزو : بيقولك : “إن سبب عدم حضور لاعيبة الزمالك ماتش القمة ؛إن الأوتوبيس خلص بنزين على كوبرى 6أُكتوبر”
(الكابتن)نور : لأ يا كباتن ! دا بيقولوا : “إن الشِتا كان على كوبرى 6أُكتوبر كان شديد، والأهلى حديد”
(الكابتن) عادل : إحنا بقينا مسخرة العالم فى كورة القدم!
(الكابتن)نور : وتيجى تنتقدهم نقد بناء يقولك : “إنت بتقطع فينا”
(الكابتن)عادل : خليهم يبقوا يقعدوا فى المُدرجات ويسمعوا بودانهم الناس بتقول عليهم إيه؟!
(الكابتن)ميزو : منظومة كورة القدم فى مصر مِن جمهور لإتحاد الكورة ،للاعيبه ،مليانة مشاكل!
(الكابتن)عادل : عندك حق ، وأنا مُش عاوز أقول خدنا إيه فى مونديال2018!
(الكابتن)نور : فاكرين الصفر إللى خدناه فى 2010م؟!
(الكابتن)عادل : مصربالوضع ده أخرها تنظم دورة رمضانية!
(الكابتن)ميزو : وصحبنا إللى ماسك تانى أكبر نادى فى مصر،ومبوظه ،أخره يمسك المراجيح إللى فى مدينة الملاهى ، أنا أهلاوى صحيح ،بس مُش عجبنى إللى بيحصل فى الزمالك!
(الكابتن)عادل : شكر الله سعيكم يا كباتن!
(الكابتن)نور : غفر الله ذنبك!
(الكابتن) ميزو : شِد حيلك!
(الكابتن)عادل : الشِدة لله.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى