الشعر

لحروف التايهة… بقلم المصطفى نجي وردي

لحروف التايهة…

بقلم المصطفى نجي وردي

ف الكتبة..
نلاقي حرف مع حرف
وبجنب الواد
نتقصى الطرف الطرف..
نزيد ف الاول نغمة
وننقص من الثاني طرف
نلاقي حروفي ب دمعة
تنزل سخونة..
تمسحها دمعة ودمعة..
وبين الدمعة والدمعة
تخرج لحروف حزينة
وب الخف…
نشعل ليها ضو
مغاشي..
ومرات نشعل ف جوفي شمعة
ونار تحرقني تحت الدف…
يا احبابي..!
هاذ الدنيا لعبة
تدينا وتسكنا بالمعروف
وف التالي تشدنا عليها
ميات اغبينة
واشحال من الخوف…
نخيطو الصهد بالصهد
ونرقعو البعد ف البعد
واجنابنا ضاربها البرد…
يا خوتي..!
..اسكني هاذ الحرف
وف العمق اهلك لي الجوف..
ف بلادي ما لقيت رحمة
وف بلاد الناس
قايسني الخوف..
هربان نقلب ع لخبزة
وبلادي قلبي عليها ملهوف…
لاش يا خدام…
ازرعتو الرهبة
ونهبتو الرحبة
والناس بعينيها
تبرقق وتشوف…؟!
هاذ الزمان..!
زمان الخطبة والزربة
واحنا جاريين غ ع المصروف..
واش هاذا قانون ولا حكمة..
حتى لغدا..
تلقى كلشي محسوب
ومصفوف
اومخلوف…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى