مفالات واراء حرة

"لا .. مش عسكر" .بقلم نيفين بطرس

لا .. مش عسكر .
مايصحش يتقال على القوات المسلحه المصريه عسكر .
أصل الكلمه ..
اتقالت . . كلمه عسكر . على جنود محمد على . ايام الحكم العثماني لمصر 1805 م . لما كانوا بيجمعوا الضرائب بالقوة الجبريه على الفلاحين المساكين .. فأرتبطت كلمه عسكر بالظلم . والطغيان ..
ومن قبلها اتقالت …عسكر على جنود الرومان أثناء الاستعمار الرومانى 284 م . لما كانوا الجنود بيقتلوا. المسيحين كل يوم الآلاف من الشهداء إللى روت دمائهم كل حته فى أرض مصر . حتى أطلق عليه عصر الشهداء .. من كثرة الظلم .والإطهاد .
اتقالت . كلمه عسكر . على جنود الاستعمار البريطانى والفرنسي والاسرائيلى. على مصر ايام العدوان الثلاثى 1956م . ..إللى برضه كان رمز الاستعباد والقهر . ونهب الخيرات . علشان كده كلمه عسكر .لها تاريخ اسود عند المصرين…
وكثرة استخدامها اليومين دول .بيدينى إحساس انها كلمه موظفه سياسياً .. للتزكير بالكرة المسبوق. لخلق شعور لا إرادى .. من الكراهية بين الشعب . والجيش
أعزائي …. انتبهوا … الجيش المصرى مش هو العسكر .
الجيش المصرى .. هو إللى نزلت دموعك عليه فى حادثه جنود رفح .. 😢 لما غطّت صناديق الشهداء أرض مطار القاهرة . وهى متلفحه .. بعلم مصر .
الجيش المصرى هو إللى . ما تقدرش تمنع نفسك من حاله الحزن والحداد .. لما تسمع عن استهداف كمين واستشهاد الجنود إللى فيه .😢.الجيش المصرى هو إللى لبى نداااك لما صرخت فى ثورة يناير .. 2011 م .واتصورت انت وأولادك سلفى مع الدبابات . هو برضه إللى غنتله تسلم الايادى . وغنى معاك العالم كله .
الجيش المصرى .. هو إللى فى برد الشتاء .. وحر الصيف .على الحدود .. وانت قاعد وسط بيتك وأولادك .
الجيش المصرى .. هو إللى بيتزوق كل يوم ويلبس أفرول العرس . استعداد لعرس الموت . علشان يصون العهد وشرف القَسم .والجيش المصرى .. هو إللى بتتمنى انه يمسك اى مؤسسه بايظه علشان ينهض بيها .
الجيش المصرى .. مش عسكر  لكن هم الاولاد
.. وألاخوات .. والاصحاب . والأزواج ..والأحبه.
الجيش المصرى عمرة .. ما كان عسكر .. ولا عمرة هيكون
لانه .. بأختصار .. كيان مصر . وشعبها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى