الشعر

كرهتك خلاص

. كرهتك خلاص

بقلم / أيمن صبري

كنت عارف أني بالنسبة لك خيال
وأن حبك وإهتمامك شيئ محال
أيوة عارف أن قلبك مش معايا
وأني مهما سعيت لحبك
أنتي قاسية كالجبال
كنت حاسس،… كنت شايف
كل نظرة من عيونك نور ونار
كل بسمة من شفيفك بركان وثار
كل كلمة فوق لسانك تهدد حياتي بالدمار
وكل ذنبي أني بحبك
مسجون وعاجز في إنتظار
كلمة منك أو حتى نظرة
تهزم في قلبي الإنكسار
كنت عارف أني مهما سعيت لحبك
هتمحي من يومي النهار
وهشرب بأيدك ألف كاس مر ومرار
ومكنتش أعرف اني بِحبك
هتغيب في عيني الشمس ويزول النهار
ويشيخ فؤادي وعيش معايا في الحصار

أيوة كرهتك،.. وقتلت حبك
وهشوف ليومي شمس غيرك
وهجيب لقلبي قلب تاني
فجري صافي نبع دافي
خالي من معنى الدمار
يمكن يكون طوق النجاة
يمكن يِرجع ليا الحياة
يمكن أعيش،… نفسي أعيش
وقتل في قلبي كل آه
نفسي أقابل قلب طاهر
قلب ينبض بالحياة
يصون فؤادي وأكون رجاه
يمكن أصدفه وأكمل معاه
حقيقة كانت أو خيال
كفاية أعيش، وقلبي يرجع الحياة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى