ثقافاتقصص

قِصة…..جِه فينا جونين فى دقيقة واحدة يا فندم!

قِصة…..جِه فينا جونين فى دقيقة واحدة يا فندم!
كتب-محمدحمدى
رياض المنفلوطى : المُبارة خُلصت كام يا أدهم؟
أدهم : 2-1يافندم!
رياض المنفلوطى : 2-1 لينا يا أدهم؟
أدهم : لسبورتنج كاسل يا فندم!
رياض المنفلوطى : إزاى يا أدهم؟!! دا أنا علمت إن محمد مسعود جاب جون فى الدقيقة العاشرة! وكُنت فرحان ؛لدرجة إن شفتى رجعت لوضعها الطبيعى من غير حُقنة!
أدهم : جه فينا جونين فى دقيقة واحدة يافندم!
رياض المنفلوطى : جونين فى دقيقة واحدة ياأدهم؟
أدهم : أه فى دقيقة واحدة يافندم!
رياض المنفلوطى : هى سبورتنج كاسل هى إللى كانت بتسنتر بعد مَ جِه فينا الهدف الأول ياأدهم؟
أدهم : الكورة إتخطفت مِننا بعد مَ سنترنا وجابوا الهدف التانى يافندم!
رياض المنفلوطى : كُنت إعمل محضر ياأدهم،ونزلها فى صفحة الحوادث،تحت خبر بيقول : “خرجت ولم تعُد”!
أدهم : أنا حاسس إن فيه حاجة غَلط يا فندم!
رياض المنفلوطى : أنا شامم ريحة معفنة يا أدهم!
أدهم : ريحة شرابى ، أصل لابسه من 3أيام يا فندم!
رياض المنفلوطى : فيه صوابع بتلعب السنادى فى النادى يا أدهم!
أدهم : دا فى كُرة القدم بس يا فندم!
رياض المنفلوطى : الكورة فى دِسوق السنادى بتحطم أرقام قياسية ،وإنجازات بس من ورا يا أدهم!
أدهم : عندك حق يافندم! جونين فى دقيقة واحدة ،ومركزالشباب جه فيه جون فى ماتش مركزشباب قلين فى أول عشرثوانى!
رياض المنفلوطى : وبقينا فى أخر الجداول ياأدهم!
أدهم : بس بصراحة الماتش بتاع النهاردة ضاع مِننا ؛بسبب إستهتار اللاعيبه ،ومش غلطة الجهاز الفنى!
رياض المنفلوطى : مِن النهاردة فيه خصومات فورية على كُل لاعب مُستهتر،مش عارف قيمة التى شيرت إللى لابسه!
أدهم : حاضر يا فندم!
رياض المنفلوطى : ويتوقف كام ماتش ؛بحسب ما يقرر الجهاز الفنى!
أدهم : حاضر يا فندم!
رياض المنفلوطى : إبعت الدكتور بُسرعة ؛ علشان شفتى لازقت فى مناخيرى ومش عارف أتنفس يا أدهم!
أدهم : ألف سلامة عليك يا فندم!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى