قصص قصيرة

قُصيصة…مشاكل الجيران بسبب الكلام على الفاضى والمليان

قُصيصة…مشاكل الجيران بسبب الكلام على الفاضى والمليان

كتب-محمدُحمدى

جمالات : شوف الولية عاملة إزاى؟!
حنفى : دول ناس مع نفسِهم!
لينا : دا بيتكلموا علينا يا مسعود!
مسعود : دول ناس مفيش وراهم غير الكلامِ ، ياروحى !
جمالات : دا بيقول : “إننا مفيش ورانا غير الكلامِ ، يا سى حنفى” !
حنفى : إحنا مفيش ورانا غير الكلامِ ؟!
مسعود : هو حد كلِمك ؟!
جمالات : قاعدين يا خويا فى شقتِهم ،وقاطعين النفس!
لينا : قليلة الأدب إنتى !
مسعود : الله أكبر!
حنفى : أنا مراتى قليلة الأدب ياض؟ !
مسعود : إحنا ناس بنمى مواهبنا فى وقتِ الفراغ،مُش زيكُم،مفيش وراكُم غير البحلقةِ ،وطول اللسان !
جمالات : هو حد بيشوف شكلكُم طول النهار؟!
حنفى : بتنمى مواهِب إيه بسلامتك؟!
مسعود : إحنا بنستغل وقت الفراغ يا عجل ، المدام بترسم ،وأنا بأكتب شعر…
لينا : أنا قعدت مرة مع مدام مسيو حنفى ، يا مسعود ، كانت بتتكلم عن غُرف النوم!
مسعود : شوف الثقافة يا جاهِل ،بتقول : “مدام مسيوحنفى ” !
جمالات : غُرف نوم؟!
لينا : إنتى سوفاج!
مسعود : قالت على مراتك بيئة بالفرنساوى ،يا طور!
جمالات : ربنا يعدى الأيام دى على خير !
مسعود : إنتوا مِن الناس السوء !
حنفى : إحنا ناس سوء، يا جعانين ؟!
لينا : بينا يا مسعود ؛ علشان نصلى الضُهر ،ونتغدا..
مسعود : بينا ياروحى،دول ناس غاوية رغى على المصاطب ،على الفاضى ،والمليان .

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى