عاجل

قُصيصة/  كِفاية شيشة ؛علشان الفيرس يابهانة

قُصيصة/  كِفاية شيشة ؛علشان الفيرس يابهانة!

كتب-محمدحمدى
صافيناز : كِفاية شيشة؛علشان الفيرس يابهانة!
شيرين : البِت ياختى ماسكة الشيشة زى الراجِل!
وردة : كفاية يابهانة!
بهانة : إسكُتى يابِت مِنك ليها ليها…
وردة : صحتك يابِت!
بهانة : أنا مناعتى حديد ؛ علشان بأكُل خُضار ،وفاكهة،وبأتحرك كتير،وبأشرب مية…
صافيناز : تلاقى إبنِك عبدالحليم إللى قايلك على الكلام ده؟!
بهانة : أومال،دا عسل،وزينة الشباب!
وردة : طب كان قالِك على الشيشة إنها غلط؟!!
بهانة : مُش عارفة أبطل الشيشة ياوردة؛مع إنها بتضعف الرئة ،إللى بيحبها فيرس كورونا!
شيرين : فى التلافزيون بيقولوا ياختى : “إن فيرس كورونا مُش كائن حى ،وحمض نووى،وبيحلم إنه يكون كائن حى ،وبيتحقق الحِلم ده لما يدخل الرئة ،ويبدأ لأول مرة يحتل خلايا الرئة ويتحول لكائن حى ويتكاثر؛علشان كِده لازم قتله قبل مَ يدخُل الرئة فى الحلق ؛إللى لازم يكون مُش ناشف ؛علشان يسحب الفيرس ويدخله المعدة إللى فيها حمض بيدمر فيها الفيروسات…..”
بهانة : أنا على طول ريقى مُش ناشف،بأشرب مية ،ومشروبات سُخنة،وبأمضغ للبان!
صافيناز : كِفاية شيشة؛علشان الفيرس يابهانة!
بهانة : كفاية الليلادى ؛علشان خاطرك ياصافيناز!
وردة : شوية الضُحك دول يساوا مليون جنية ؛لإنهم بيقوا المناعة ويخلوها تقضى على أى فيرس!
شيرين : أنا ياختى بعيدة عن الناس النكد؛علشان صحتى!
بهانة : أعوذ بالله مِن الناس النكد!
وردة : محدِش يجيب سيرة الناس النكد قُدامى؛إللى عاوز يجيب سيرتهم يجى ورايا!
صافيناز : تعالوا يابنات نتكلم على الناس النكد ورا البِت وردة!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى