قصص قصيرة

قُصيصة……أكل مال الأيتام فى مملكةِ ساسان

قُصيصة……أكل مال الأيتام فى مملكةِ ساسان

كتب-محمدُ حمدى

شهرزاد : بلغنى أيها الملك السعيد،ذو الرأى الرشيد….إنه حدث زمان ، فى مملكةِ ساسان ، التى انتشر فيها أكل مال الأيتام ، أن مات أحد الرعية ، وترك خلفه،ولد،وولية،وأخان ،أحدهُما ،أخلاقه ،مُش مية مية….
حنان :يا سرحان ، يا سرحان ، يا سرحان .
سرحان : نعمَين ، يا أُمى ؟!
حنان : مفيش أكل فى البيتِ ؛ فروح يابنى ، لعمك سمعان ، وهات مِنه الحِساب…
سرحان : يادى الحِساب ، ياأمى ،الحِساب مع عمِى سمعان صار مُشكلة..
حنان : معلش ياسرحان ،يابنى ، كُلها كام عام ،وهتبلغ الواحد ،والعشرين عام ؛وهنرتاح مِن وصايةِ ،عمك سمعان !
شهرزاد : وذهب سرحان ، ذوالخمستاشرعام ، إلى دُكان ،عمه سمعان….
سرحان : صباح الخير ، يا عمى .
سمعان : صباح النور .
سرحان : مفيش أكل فى البيتِ ، يا عمى !
سمعان : طلباتك يا سرحان؟
سرحان : الحِساب !
سمعان : 7*6 بكام؟!
مُرجان : بلاش سُخرية ،يا سمعان، ياخويا !
سمعان : إنتَ أبوك ،مرة ، يا سرحان ، ضربنى شلوت ،ودانى أسيوط !
مُرجان : بلاش غِل ،وحِقد ،يا سمعان ،يا خويا !
سمعان : مفيش معايا غير عشرين جنية؛ قولى يا سرحان ،رأيك إيه؟!
سرحان : مفيش أكل فى البيت ،يا عمى !
مُرجان : امسك ال 100جنية دى، يا سرحان .
سرحان : شُكرًا يا عمى ، أنا رايح أفرح أمى .
مُرجان : مع السلامة، يابنى .
سرحان : الله يسلمك، ياعمى !
مُرجان : بلاش فضايح ، فى المملكة، يا سمعان !
سمعان : هو إنتَ نسيت ؛ اللى كان بيعمله ، سعفان ،زمان فيا ؛ دا كان مرة هيقلع عنيا !
مُرجان : بلاش حِقد ،وغِل ، يا سمعان ؛ علشان الأولاد يطلعوا يحبوا بعض ، كِدا سرحان ، هيكره ابنك ، عُثمان،وأُخته ، شهد الزمان . دا إنتَ كُنت زمان ، وإنتَ عيل شيطان !
سمعان : عندك حق فى دى، يا مُرجان .
مُرجان : دا فيه ناس هِنا فى مملكة ساسان ، بيجيبوا مِن الملاجئ ، أيتام ، مُش مِن لحمهُم ،ودمهُم ،ويربوهُم ؛ وربنا بيبارِك لهُم ،وبتبقى عيشتهم تمام التمام !
سمعان : أخر مرة هأماطِل فيها سرحان .
مُرجان : كِدا تمام ! بلاش يا خويا ،نكون زى الناس الوحوش اللى فى المملكة مَبيرحموش . دا أخوك سعفان ،مات بالكِبد عيان !
شهرزاد : وتغير حال ، سمعان ، وصار ،تمام التمام ؛ولما بلغ سرحان ، الواحِد ،والعشرين عام ، رُفعت عنه الوصية ،وتسلم مال أبيه سعفان ،وصار عيشته هنية ،وتزوج مِن بنت عمه سمعان ، شهد الزمان ، وخلفا صُبيان ،وبنات….
الديك : كووووووووووووووووووووك كوك..
شهرزاد : الديك صاح،والفجر لاح ، إلى الغد يا مولاى، مولاى إنتَ نِمت ،يا مولاى؟!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى