الشعر

"قطر الندى عمره ما فات"بقلم – يحيى محمد على

إلى ست الكل أم بلال ( ماما شافية )
{ قطر الندى عمره ما فات }
ما تحزنيش ع الذكريات
ومتقوليشى الوقت فات
ياله نـزيل كل الآهـات
ونخترع كده أمنيات
نعدى بيها على جسر خوفـنا
ونعوض العمر اللى فات
ياااااااه … كام نهار عدى عليكى
وإنتى زى ما أنتى لا قيكى
الخضار مالى إيديكى
والعيون باصة عليكى
عاوزة تقعد بالساعات
يا نسمة حلوة ف صيف بؤنة
وفى الشتا صافية وحنونة
يا جوهرة غالية ومصونة
وشمس دافية ف برمهات
يا سكة للحيران تملى
يا فرحة للمسكين تطلى
ياشافية وم الأ وجاع تقلى
ياكعبة فيها الناس تصلى
وشجرة لامة الزقزقات ……
يا ……….. يا أغلى من كل الحاجات
قطر الندى عمره مافات
ف متحزنيش ع الذكريات
ومتقوليشى ………. العمر ………… فات .
من إبنك / الأبنودى الصغير

ربما تحتوي الصورة على: ‏‏‏٥‏ أشخاص‏، ‏‏بما في ذلك ‏شافيه احمد شافيه احمد‏ و‏يحيي محمدعلى الشاعر‏‏، ‏‏أشخاص يقفون‏‏‏‏

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى