الشعر

( علي الطبله ) بقلم احمد حجاجى

( علي الطبله )

رقص وهجص وشو اعلامي 

  

هو اللي انا شايفه قدامي

مرضي النفوس حالتهم صعبه

  وصاحب الخير راح واتخبي

   من حبه يعملوا مليون قبة

  

صور تترص ومعاها اسامي

  

   اسامي كانت مدفونة

 

ظهرت في الهوجه المجنونة

 

  كفايه يا خلق صدعتونا

ركوب الموجة ده شيء إجرامي

   كله بيحري لجل اللقطة

  

عاوز اسمه يكون علي يافطة

 

  يادي الحوسه ويادي الورطه

    دي افعالكم بتثير أقلامي

     يخرب بيت أبوها الهبله

    لما في يوم تمسك طبله

    

    تخلط بين عنتر وعبله 

وتقول ع الترعه ده شط ميامي

     

  بقت حياتنا كدب وزيف 

 

  طيب قولوا هنتقدم كيف 

  

ده اللي عامل فيها شريف 

 

في الأصل نصاب وحرامي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى