عام

صدى مصر – الصحفية غادة عبدالحافظ تطلب اللجوء لمحافظة أخرى غير الدقهلية

الصحفية غادة عبدالحافظ تطلب اللجوء لمحافظة أخرى غير الدقهلية

كتب حامد خليفة
إستهلت الصحغية «غادة عبدالحافظ» كلامها وصرحت أنا عايزة ٱطلب لجوء لأى محافظة ثانية غير الدقهلية للأسباب الآتية :
– علشان الزبالة اللى ملأت كل مكان وريحتها المنتشرة بكل شارع
– علشان الحدائق اللى اتدمرت وبقت شبه العشوائيات ومبقاش فى متنفس
– علشان الشوارع اللى اتكسرت ومافيش مسئول بيفكر يصلحها
– علشان التدمير المنظم لتراث المحافظة ومعالمها
– علشان الفساد اللى استشرى فى كل مكان فيها
– علشان استبعاد المحترمين وأصحاب الكفاءات لأسباب شخصية بحته
– علشان مافيش مواطن بيقدر يدخل المحافظة ويقابل أى مسئول
– علشان مقالب القمامة الوسيطة اللى انتشرت بالمدن والقرى وعجز المسئولين فيها عن ايجاد حل لها
– علشان الاشغالات اللى فى كل مكان ومافيش رصيف نمشى عليه
– علشان مافيش جراجات نركن فيها العربيات وأصبحنا تحت رحمة وبلطجة السايس
– علشان المواقف العشوتئية اللى اتعملت بتعليمات المحافظ ودمرت وشوهت مدخل مدينة المنصورة
– علشان المحافظة عملت جيم فى الديوان العام وتركت الشوارع تغرق فى القمامة والمستشفيات بلاخدمة
– علشان المحافظة أنفقت الملايين على تجديد المكاتب والحمامات بالديوان العام وتركت المواطنين تعانى فى تقديم أى شكوى أو تلقى أى خدمة
– علشان رفضنا كمواطنين مشاريع تدمر المحافظة زى الموتيل وشارع ٣٠٦ و المحلات على حديقة شجرة الدر والمحافظ أصر يعملها بالعند فينا
– علشان فى خطة ممنهجة تدفع المواطنين نحو كراهية بلدهم اللى بيعشقوها بتشويه جمالها وطمس هويتها
– علشان المحافظ بتاعها فاضى لمتابعة الفيس بوك وبيعمل محاضر على البوستات والتعليقات اللى مش عجباه
– علشان المحافظ بتاعها مش فاضى يسمع شكاوى المواطنين ولا مهتم بها وبيعمل بلوك لأى حد يعترض او يعلق على الصفحة الرسمية للمحافظة
وجدير بالذكر أن حال الصحفية «غادة عبدالحافظ» أصبح حال الكثيرين من أبناء المحافظة الغيورين عليها من أبنائها المخلصيين وأصبح مطلبهم«رحيل المحافظ» لتلك الأسباب السابق ذكرها وإما رحليهم لمحافظة أخرى

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى