عاجل

( ساعات . وساعات )بقلم … جمال حلمى

ساعات بنضحك
وساعات بنبكي
وساعات كتير
بنقول تمام ……
أصل الدنيا حالها 
يحزن
سايقة العوج
سايقة الدلال ….
العقل فيها طب
ساكت
وودع شبابه من زمان ….
لا عدنا نملك
فيها حاجة
غير التبلد والجنان ………
دنيا وحش نابه أزرق
كاسر كدا كام سنان …
عربدت آسمى المعاني
وأنتوت على الهوان …..
دنيا حرباية ياصحبي
أتحولت
للنقيض والمحال ……
على كل لون أتغيرت
فعلا عقيمة
ملهاش أمان …..
ياما ياصحبي
أتنكرت
زي الحرامي
والناس نيام …….
دنيا سوابق
مسجلة
ولها ملف كله أثام …..
سرقت البراءة مننا
بمعرفة ولاد الهوان

اللى ضحكوا علينا كلنا
وأسكرونا بعذب الكلام …
ناس كتير أتكعبلت
فى الحلاوة والجمال …..
حبوا بجد ودا طبعهم
عارفين معنى
الحب والإلتزام ..
بس ياخسارة وقعوا
فى ناس مش من جنسهم …….
ناس أباليس
تهوى الهوان ……..
لازم نضحك ياصحبي
من كل قلبنا
ونبكي كمان على ال كان ….

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى