الشعر

زينة الصبايا…د . ملك محمود الأصفر

زينة الصبايا…د . ملك محمود الأصفر

……………………..
قال لي
يم العقدة واللولو فوق الزنار
الورد الجوري على إمو من حسنك غار
عيونك حلوة وعسلية ووش مدور
وخدودك لونا أحمر لون الجلنار
……………………
يا أم سنان اللولو وعطرك هفهاف
وشعر الأسود ضفاير فوق الأكتاف
سبحانو ربي عطاكي أجمل أوصاف
ذوق ورقة ولطافة وقلبك شفاف
…………………….
يا أم الشال الزهري مين متلك مين
بيلبقلك تاج ملوكي وعقد اليسمين
خدك لوح تفاحو وفاح النسرين
يازينة الصبايا وست الحلوين
…………………….
يم الشامة عالخد وخصرك لواح
وأحلى بسمة عشفافك خدك تفاح
لما مريتي قبالي يسمين وفاح
والدوري تغزل فيكي بصوتو الصداح
…………………………………………

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى