الشعر

“دنيا الهوى” تأليف / عبدالحق عبده

دنيا الهوى

تأليف / عبدالحق عبده

ياما عنيك سرحانه

فى دنيا الهوى

ياما بأيدك لمسنا

لخدود القمر سوى

ياما كلمنا على الهوى

كان ليه دوى

بعد ما عدت سنين

وسنين كمان

وجروح معنا أتبدلت

وى الحنان

سألت عنك قالوا

أبعد من القمر

ورجعت تانى أسأل السهر

بكت دموع العين

وغطت الغيام

وأتبدلت حال النجوم

بعد الزمان

اللى معاه أنكتب

ضاع الأمان

بتلوم قلبك ولا قلبى

على الضاع

ولا بتكتب للرجوع

صمت الزمان

هو دى معنى الحب

عندك

ولا زمان الحب

عندك كلمتين

أول حروفهم هجر

وسكون

وكلام ضايع فى الغيوم

وهوى مكتوب فى الهوان

يا اللى معاك القلب

ساكن بعيد

هاجر حياته

فى دنيا المحرومين

وعيونك الحلوة

بتبعت سلام

بس خايفه من الهوان

وقلوب على ضىء القمر

سهرانين

والعشق أصبح

فى زمنا عليل

والضحكة دبلت

وى آهات الزمن

وكتبنا على جدار الأمل

أنتهى فينا الزمن الجميل

ورجعنا نكتب على الطريق

جروح كتيرة فيها

القلوب معبيين

آهات ونوح على

قلوب محرومين

مش أنا وحدى اللى

بكتبلك سلام

ورق الشجر على الأرض

بيهجر وياك اللى كان

وزمنا أصبح فى الحياة

نوح ودموع

مكتوب علينا فى الهوى

دايما فراق

والعشق أصبح فى الحياة

بلا ضمير

ونسينا فى دنيا الزمن

إنسان كبير

كان يوم بيحلم بالحياة

ومستكين

اليوم بيبعت دمعته

وى القمر

عاشق ولكن سكته

بدون حنين

يمكن حترجع يا زمن

وتقولى هات

أجمل كلام العشق

فى دنيا العاشقين

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى