الشعر

"خليك من صنف لرجال" بقلم د ملك الاصفر

“خليك من صنف لرجال” بقلم د ملك الاصفر

 

 بقلم د. ملك الأصفر

……………………………….
يلي بيضرب المرا
بيكون هوة مسخرة
لالو رجال ولا شي
وأخرتا بياكل درة
لحتى تعرف تعيش
لازم تكون سكرة
خلي كلامك موزون
مرتك أوعا تعكرة
……………….
والمرا هية أمك
يلي كانت تضمك
وأختك البتحن عليك
واللي دما من دمك
بنتك الحلوة بالبيت
يلي بتنسيك همك
وشريكة عمرك حياتك
مرتك وبنت عمك
…………………
اللي بتمرجل عالنسوان
أديشو نذل وجبان
يعني مفكر حالو إنو
هوة القائد والربان
ومفكر إنو بالقوة
رح يلوي دراع النسوان
ومو عارف بإنو هيك
رح بيكون هوة الخسران
…………………..
المرا إذا بتأذيها
ولا بتتمقطع فيها
بتحفرلك حفرة كبيرة
وبتخليك توقع فيها
بقى انتبه يا حباب
أم ولادك داريها
وخليك من صنف لرجال
لا تتمرجل عليها
………………………………………..
د . ملك محمود الأصفر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى