الشعر

"خلص الكلام من غير بداية" بقلم /أحـمـد عبد الرحمن صـالـح

“خلص الكلام من غير بداية”
بقلم /أحـمـد عبد الرحمن صـالـح

مـن النهـــارده هقـول كفـايـة
لكل خــايـن كان يـوم معـايـا

هنسى إني يـوم دخل حياتي
وهعيش وابـدء أنـا م البداية

اكيد هــــلاقـي لنفسي قصة
اعيش معـاهـا أجمـل حكاية

هيعيش لقلبي صاين كرمتي
وهكون لنفسـي دايمـاً مرآيـا

لو يوم خدعنـي حـد بكلامه
دايماً هفكر روحــي بالنهايـة

صعب إنـي اسلـم لحـد قلبي
او إنـي يـــوم اظلم هـــوايــا

إيـاك يـا قلبي تضعف لكدبــة
او تنسـي إنـي للحب غـــايـة

حـرام عليك تفضـل تضـحي
علشـان قلوب عشقت بُكآيـة

أنــا بوعــدك بعــــد النهـاردة
هعيش لعالم ملهـمش غــايـة

هعيش وصآين فيك كرامتي
لــــو حتي ملقتيـش حكايـة

خلص الكلام
ودي النهـايـة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى