ثقافات

حمل تقيل.. بقلم ابوعدنان

حمل تقيل.. بقلم ابوعدنان
طفل جميل
وياما فيه زيو كتير أطفال
حمل تقيل
ماتقدر تشيلو الجبال
أرضى بنصيبك
مين عالم بكرة تتغير الأحوال
تركة تقيلة من الأحزان
وأخواتك البنات
محتاجين الأمان
محتاجين الحنان مش بس المال
ضحكتك حزينة
والهم سفينة
والدموع ف عنينا
سامحني يا بني
رميتك ب الشقا
زمن الغلا
أخد ما خلا
والحظ سابني
والزمن علينا مال
اللعب والمرح
مكانو جرح
فين الفرح
وسط الذحمة تاة
ببكي وبتالم
أقول واتكلم
بادينا بنسلم
حبايبنا للوجع و ال اة
قبل ما تحاسبني
وبعنيك تظلمني
إنت حتة مني
أنا شوفت زيك قسوة الحياة
ضحكو علينا
جردونا من نفسينا
والظلم سقونا
وقالو دا دوا لكل الاجيال
يصعب عليا أشوفك حزين
بسال روحي وأنا إللي ظلمني مين
فية زيك يا حبيبي ملايين
في غاية الطيبة والجمال
لا هدمة ولا لقمة
تاهو وسط الذحمة
يا ناس مش حرام بالذمة
جنتك يا بلدي بينعم فيها الاندال
واحنا اسينا كتير
محروم ومظلوم وفقير
لا كلمة حلوة ولا تقدير
ولا علشان مالناش في سكة الشمال
طفل جميل
وياما فيه زيو كتير أطفال
حمل تقيل
ماتقدر تشيلو الجبال
ليك حق عندي وكل طفل برئ
داق الحرمان ف أول الطريق
سامحني يا بني أنا جوايا نار وحريق
ندعي ربنا يغير الأحوال

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى