الأبراج

برجك وحظك اليوم السبت 12-12-2020

برجك وحظك اليوم السبت 12-12-2020

 

أبراج اليوم السبت 12-12-2020

برج الحمل


الحمل ♈
مهنياً:العشرية الاولى عندك تنقلات وسفر واجواء افضل واختبار والثانية والثالثة يبدو وضعك المالي في ركود وبحاجة للمال ممكن تتحسن امورك المالية تدريجي .. قصص مالية ومصاريف وعندك طاقة وحابب تخلص كلشي عيد حساباتك وحل مشاكلك واوراق بيومك بس لا تتسرع .. نهارك قصص مالية تمويل وتسديد نفقات والتزامات حتى البعض عندو شراكة ومال بيجيك واجواء العائلية منيحة المسا اتصال وناس جديدة وضعك افضل ..
عاطفياً:عندك حيرة بهاليوم وصعب تاخد قرار لهيك بدي منك تهدي حتى ماتخسر .. عم تعاني من تصرفات الشريك وممكن بتحس عم يتقصد هاشي نقاش وتوتر ومشاجرة حاول تهدي ولا تجازف بالوضع وأنتبه لقراراتك لا تتسرع وتكون عشوائية ومرق هاليوم ع خير .. في تحسن من المسا ومصالحة والاجواء بتعود من جديد وعلاقات جديدة ..
صحياً: امورك بتتحسن صحياً وبتتجاوز وضع متعب ..
❤غنيتك❤اليوم:عادي بكرا الايام بتسعدني..

 برج الثور


الثور ♉
مهنياً:العشرية الاولى يومك مالي بتفاصيل كتيرة وامور بتخص المال شراكة او ميراث وديون وغيرو والثانية شراكات عاطفية بتشغلك والثالثة بداية الحب والعين عليك ومال كمان .. توتر بنهارك وسوء تفاهم حاول تساير وتحسم امورك وبعد عن الاجواء المشحونة وأنتبه تفقد شريك او تفك شراكة ..عيد حساباتك ولا تتجاوز القوانين ولا تأجل شي بشغلك ولا تهتم لحدا بلاخص في مقربين مانك مرتاح لتصرفاتهم ويمكن عم يسببو وضع بالبيت لا تعصب وتتسرع المسا في خبر بريحك وقصص مالية ومصاريف وممكن اتفاق مالي .
عاطفياً:بحاجة تنتبه لوضع علاقتك ممكن صاير مشكلة او سوء تفاهم بدك تروق حتى لا تروح لطريق مسدود.. عم تكون بعيد عن اجواء العاطفة لسبب ما او التزامات عندك وضغوط عليك كتيرة ماعم تلاقي مين يفهمك ولا عم يقدر وضعك حاول تروق وتلاقي الانسجام وتفاهم لتستقر امورك .. لاعزب فرصة لشراكة جديدة او حدا بيرجع .. والمرتبط جديد امورك افضل وجهز حالك لتحصل على شي ناطرو هالفترة ..
صحياً:خفف منبهات وتدخين عم يأثر كتير ع بشرتك وعم تعب نفسيتك ..
❤غنيتك❤اليوم:حبيتك وجو القلب خبيتك..

 برج الجوزاء


الجوزاء ♊
مهنياً:العشرية الاولى شراكات وعلاقات عاطفية بتشغلك والثانية شوية ترتيب بيومك بكون افضل والثالثة شغل وصحة بتشغل وتحسن تدريجي ..
كون دبلوماسي ودقيق بامورك ولا تستعجل حتى ماتوقع بتأجيل او تأخير ضغط ومسؤوليات وهاشي عم يتعبك صحياً بنهارك .. رتب امورك وخلص شغلك حتى ماتسمع كلام مو حلو بحقك .. أنتبه لاسرارك واحسم امورك المالية والمسا اتصال واتفاق وبتناقش موضوع شراكة او عقد ما ..
عاطفياً:لا تتسرع بوضعك وأحسم امورك .. في حب وعاطفة بس الشريك متعبك حاول لا تأجل شي بس بهدوء وبدون تهور ممكن تمنح الشريك فرصة جديدة خلي تبادل الأراء وحسن نية موجود لا تفكر بالامور سلبية او تنهي علاقتك بالوقت الحالي .. غيمة سودة وبتمر لا تخاف وأنتبه لشكوك الي ممكن تزيد هاليوم .. الاعزب والخالي من الحب ممكن اعجاب مبدئي وشي جديد ناطرك ..
صحياً:وضع صحي بيشغلك والمسا بتتحسن امورك وبترتاح ..
❤غنيتك❤اليوم:فقدتك ..

 برج السرطان


السرطان ♋
مهنياً:العشرية الاولى شغل ومسؤوليات وماعم تركز وبحاجة لحسم ونتبه على صحتك والثانية والثالثة ضب ايدك مالياً وممكن تقبض وعم يشغلك وضع العاطفي ركز منيح وكلشي بوقتو حلو .. خبر حلو وتطورات عائلية رغم تعب والمسؤوليات ..حاول تستفيد من طاقتك الايجابية ولا تخلي لافكار تسبب ضبابية عندك حلول لمشاكل وبتتجاوز بعض العراقيل.. ممكن اتصال او قصة بتخص شغل وممكن تحصل على المال وضب ايدك كمان على مصاريفك وضع حدا بعيلتك بدو يشغلك او صحة بشكل عام ..
عاطفياً:من الايام المميزة عندك بالعاطفة بتكون بقمة جاذبيتك لتدخل ارتباط جديد وتطورات بعلاقات جديدة وممكن عودة شريك وتواصل .. المرتبط انسجام وتفاهم وحلول واتصالات حميمية لمهم تتخلص من بعض شكوك والافكار الي عم تراودك وتكون متحرر مع الشريك اكتر .. المتزوج لا تخلي الامور تفلت من ايدك اكتر من هيك لا دخل امور العاطفة بشغلك وفكر صح واحسم أمورك ..
صحياً:وعكة صحية الك او لحدا بالعيلة وشفاء من مرض متعب للبعض..
❤غنيتك❤اليوم:انا حنيت ..

 برج الاسد


الأسد ♌
مهنياً:العشرية الاولى امورك افضل بطاقة والحظ والثانية قصص مالية عاطفية والثالثة عائلية ولقاء ولمة .. في تأجيل وطاقتك سلبية و مانك مبسوط وحاسس بكركبة عم تعاني من وضع بالبيت وشغل ونقل وناس عم تعبك في قصص مفاجئة من محيطك حاول تساير بأمور عائلية .. المسا طاقتك بترجع وخبر بريحك وتحسن واجواء حلوة هاليومين ..
عاطفياً: عم يكون في تراشق للكلام العشوائي وعتب بينك وبين الشريك خليك صبور ولا تهتم لكلام ناس طنش ماحدا بيستاهل تجنب نقاشات اليوم قد مافيك احسن ماتوصل لطريق مسدود شوية دبلوماسية وامورك من المسا افضل وفي صلحة واجواء مميزة وأنتظر شي حلو وتواصل وتغيير على صعيد العاطفي ..
صحياً:أهتم بحالك واعمل تغييرات وشي بيتعلق بالاطفال عندك ..
❤غنيتك❤اليوم:قال صعبان عليه ..

برج العذراء


العذراء ♍
مهنياً:العشرية الاولى قصص عائلية والثانية والثالثة تنقلات واتصالات وطاقة ونشاط وأمورك نوعاً افضل واجواء حلوة .. طاقة ايجابية وحركة وبتتخلص من بعض القيود .. في اتصالات كتيرة وناس بحدك وخبر ومفاجئة وفي نقاشات كتيرة واتفاق وقصة عقار .. المسا بيشغلك وضع العائلية والبيت والبعض عندو عزيمة ولمة وبتشوف اخوة .
عاطفياً:حاول تتنازل شوي بوضعك لعتب مابفيد ..
يومك بدو تنازل حتى تهدي الوضع حاول تفهم الطرف الاخر او تصارح وتصرفات الشريك صار بدا حد حاول تكون ايجابي بتعاملك مع الشريك وداري الوضع واكيد تحسن قريب ومن المسا بتلاقي حلول .. علاقات جديدة او قديم ممكن يرجع والبعض ممكن يوصلوا شي من شريك ..
صحياً:لا تاخد الا بحكي طبيب هو المرجع الاساسي ولاتجتهد من عندك بأمور صحية ..
❤غنيتك❤اليوم:خليني ذكرى ..

 برج الميزان


الميزان ♎
مهنياً:العشرية الاولى انفراج وتغيير وأنتبه عندك اختبارات واتصالات وتواصل والثانية تنقلات وقصص عقارية والثالثة مال وصحة.. المال بيشغلك بشكل كبير هاليوم بلاخص مصاريفك كبرانة يومك في تقييم واعادة حسابات في قبض ومرابح او مبلغ ممكن يوصلك ودفع ومستلزمات ممكن في مورد جديد وقصة بتخص عقار حاول لا تستعجل وفي عرض حلو الك قريباً المسا بتتحرر اكتر وبترتاح من ضغوط واتصال مهم او لقاء وسفر او مشوار المسا ..
عاطفياً:المرتبط في فتور وبرودة بالعلاقة وانفعالات مالها اي مبرر أنتبه لمزاجيتك احسن ماتوتر الوضع لا تهتم لكلام ناس وكون قريب من الشريك .. لا تيأس ولا تتردد من شي وحاول .. لاعزب وضعك افضل وعلاقة ارتباط وتحسن وتواصل والمرتبط جديد حافظ على علاقتك وحصنها من العوامل الخارجية ..
صحياً:بحاجة لطاقة ايجابية وناس بتحبا وتغير جو بمكان ترفيهي ..
❤غنيتك❤اليوم:عنيا بتحبك ..

 برج العقرب


العقرب ♏
مهنياً:العشرية الاولى يوم مالي والثانية راحة وتحسن نفسي والثالثة طاقة وخبر حلو بريحك وصحيا نتبه شوي .. في تغيرات لصالحك مكاسب وقضايا وانفراجات بتبلش من جديد وتقدم ببعض القصص وخبر بريحك نوعاً ما .. عندك تنقلات ولقاءات واذا ناطر شي ممكن يوصلك .. تغيرات مالية رغم ضغوط والمصاريف بتتخلص من بعض تأجيلات اتصالات وحركة اكتر وناس جديدة ومشوار ومن المسا في قصص بتخص المال .
عاطفياً:فكر بحلول ومصالحات لتكون امورك منيحة يوم جيد واتصال وتلبية دعوات حاول تستغل هاليوم بلا نرفزة او تكبر القصص وبحاجة تستغل نهارك بشكل كبير لتكون منيح وترتاح واجواء حميمية وكلام حلو .. الاعزب امورك افضل وشخص قديم ع البال .. فترة المسا قدر الوضع ولا تضغط على شريك.
صحياً:بتعاني التهابات ومشاكل برأس والاطراف ..
❤غنيتك❤اليوم:بستنا باليوم واليومين ..

 برج القوس


القوس ♐
مهنياً:العشرية الاولى تحسن تدريجي الثانية لا توثق بمين ماكان ونتبه من المقربين والثالثة علاقات وناس كتار .. مرق نهارك على خير وتحسن منيح من المسا بدي منك اليوم تنتبه لكلامك وقراراتك لانك مشغول بقصص وعم تعاني تأجيل او تأخير مابدي ياك تزيد الوضع سوء او تنفعل وتتسرع ضب ايدك ع مصاريفك المالية .. المسا طاقة وحظ وتحسن وانفراج ببلش عندك ..
عاطفياً:مانك منيح بنهارك في قلت اهتمام وفي تغيير بالمشاعر والمعاملة انتبه من خسارة يوم مخيب للامال بدي منك تنتبه على وضعك على الاقل بنهارك حاول لا تفرض رأيك ولا تخلي نقاشات تطور بحاجة لحلول ودبلوماسية اجل كلشي للمسا اذا حابب تفوت باتصالات او لقاءات .. حلول بتبلش وبصير مصالحة وتفاهم والبعض علاقات صداقة او شغل بتتحول لحب ..
صحياً:تحسن صحي تدريجي واعمل وقاية من لكريب ..
❤غنيتك❤اليوم:انا عم بحلم ..

 برج الجدي 

الجدي ♑
مهنياً:العشرية الاولى والثانية علاقات اجتماعية وناس مهمة عندك واتفاق ودعم وبداية اعجاب والثالثة عاطفة وحب وامور افضل من قبل .. ضغط وتاخير وتأجيل ومصاريف مالية يومك بدور بقصص اجتماعية كتيرة بتلتقي بناس جديدة وعزائم وعندك الارادة وتصميم لتنجح اتفاق على بعض الامور وممكن يجيك مال بس المصاريف كبرت كتير وممكن تعمل شي جديد واذا بدك مساعدة بتتلبى في تنقلات وحركة واتصالات ولقاءات كتيرة بس روق باتصالاتك او علاقتك مع المسؤولين او بمراكز الحكومية ولا تخلي حدا يستغلك ..
عاطفياً: في تسويات جديدة وطروحات حاول تدرس الوضع بشكل جيد ولا تصعب الامور وأنتبه لردت فعلك بلا ماتبالغ فيا وبلاخص اذا معصب من شي ..لا تنطر مبادرة وحاول تتجاوز الخلافات بيوم عاطفي تحسن منيح بوضعك وعلاقات عم تتحول لحب .. لقاء واتصال حميمي عند البعض ..
صحياً:عم تعاني وعكة صحية وتفاقم وضع ما بحاجة لتشوف اخصائي وأعتمد على الفيتامينات..
❤غنيتك❤اليوم:خسارة ..

 برج الدلو


الدلو ♒
مهنياً:العشرية الاولى علاقات وضعك بالبيت معكر ومالك نفس بس العاطفة افضل وممكن مال عندك وتنقلات والثانية والثالثة تحسن تدريجي وناس بحدك لا تتزمر من الوضع وتتأفف كتير ..يوم اجتماعي لقاء مهم وفكرة شغل وضب ايدك على مصاريفك المالية ممكن تقبض كمان .. لا تخالف او تتأخر ع شغلك او تعمل مشكلة وعالج بعض العراقيل بهدوء لانك بحاجة لدبلوماسية ونفس اطول في اتصالات مهمة وتنقلات ركز ورتب امورك وبلش من جديد لا تخلي الحيرة وتردد يسيطر عليك نتبه على سمعتك وشعبيتك بتزيد والمسا عزيمة ولقاءات ومشوار ..
عاطفياً:حاول تساير وتلاقي حلول ولا تاخد قرار مهم او تتسرع بأنهاء علاقة ما .. ضبابية بوضعك وسوء تفاهم حاصل أنتبه لقراراتك هاليوم لا تخلي لاستفزاز يضيعك او يوقعك بمشكلة مو وقتها حتى ماتفقد الامل .. المسا الامور بتتحسن بتفكر بأيجابية وبتزيل بعض شكوك وعلاقات مميزة .. بس البعض هدي ولا تندفع زيادة بعاطفتك وبلاخص في علاقات حميمية وتهور جنسي ..
صحياً:تجنب الاماكن رطبة وغير روتينك واوقي نفسك من العدوى وكريب..
❤غنيتك❤اليوم:عم اتخيل حالي بدونك..

 برج الحوت


الحوت ♓
مهنياً:العشرية الاولى علاقات وشغل وظيفة والثانية والثالثة طاقة واجواء افضل عندك .. بنهارك طاقة وحظ وتغيرات والمسا موضوع سمعة وشي مع الاهل .. يوم حلو وتحسن بوضعك وبيحملك اشياء ايجابية ممكن تبلش بشي جديد او شغل جديد حركة وتنقلات وامور بتتيسر اتصالات مهمة وبتتعرف بناس جديدة وحالة اجتماعية وموضوع سفر ..المسا بدا رواق بالوضع بشكل عام وبالعلاقات وبلاخص من ناس مقربة بالعيلة او من زملاء العمل ..
عاطفياً:جذاب وحليان بتعمل شي جديد واعجاب وكلام حلو ..خليك واضح بعلاقتك وكون واقعي واقتنع بوضعك الحالي شيل من راسك الافكار سلبية ولا تعقدها وعيش حياتك وخليك متروي وهادئ وكون دقيق بالمسائل العاطفية الشائكة .. مصالحات وعلاقات جديدة وانتبه من البعض الي عم يحاول يشوه سمعتك ..
صحياً:حافظ على صحتك والتزم بتعليمات وأنتبه من الحوادث ..
❤غنيتك❤اليوم:لا والله وفيك الخير ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى