الشعر

انا ابن فلان بقلم الشاعر سمير احمد القط

انا ابن فلان بقلم الشاعر سمير احمد القط

اوعى يغرك عرض وطول
او تتباهى بكام مسئول
او تتكابر او تتفاخر
خليك مخلص وابن اصول
اوعى تقول انا ابن فلان
او تحكيلنا انا كنت وكان
او تتألط او تتزايط
عيش كده عادى وبالمعقول
اوعى تنسى اصلك ايه
او تتباهى بانك بيه
او تتعاظم او تتعازم
خليك فاكر حساب هايطول
اوعى تقول دى حياتى الخاصة
او تتعاجب بهدمه وقصه
او تتغندر او تتمنظر
شوف كام طاغى بقى مذلول
اوعى تتطاطى وتعبد نفسك
او تنسى ماضيك او امسك
او تتغابى او تتحابى
اخلص يابنى وكن مقبول

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى