ثقافات

“القلب الأبيض” بقلم د.مها العطار

متابعة- علاء حمدي

قالت الدكتورة مها العطار خبيرة طاقة المكان : الدنيا علمتني أنَّ الكذاب شكَّاك و دايماً بيشوف كل الناس كذابين زيه ….و الخاين بيشوف كل الناس خاينين زيه …

 

و إن الطيب ما بيتعلمش من غلطه ،، لأنه مهما قابل ناس وحشة مش بيستوعب وحاشتهم ، و بيفضل يتوسم الخير فيهم …
علمتني أن الغلطان هو أول من يشتكي . والظالم أكثر مسكنة من المظلوم ….علمتني أصبر على البلاء و مازعلش من الخسارة لأن ربنا بيعوض بأكثر من اللي خسرته بس باللي هو شايفه أولى …
علمتني أن لما حد يغتابني أو يغلط في حقي أو يتبلى عليا مزعلش منهم ، لكن أزعل عليهم و أن دول ربنا سخَّرهم ليا عشان آخد حسنات و أكتشف بيهم حقيقة ناس تانية …
علمتني أن السكوت أفضل رد على السفهاء ….علمتني إني مادام ماشي في الطريق الصح ما يهمنيش حد واللي يقول يقول ، ربنا بيبن الحقائق في الوقت الصح ،،،
علمتني أسمع بعيني و أدور على الحقيقة بنفسي و أتأكد و ماحكمش على حاجة من اللي بسمعه .
علمتني إن أصحاب الضمير و القلب الحي نِعمة و اللي قلبه حجر ما يساويش و لو يملك مال قارون .
علمتني إن أحقر الناس هو اللي يستغل حبك له لفترة و يستغنى عنك في لحظة عشان مصلحة جديدة ..
و أخيراً علمتني أن جبر الخواطر سِحر و السعادة اللي الواحد بيحس بيها بعده لا تُقارن ،، و إن الحب و الوفاء اللي بتقدمه بيرجعلك أضعاف مضاعفة. علمتنى أكون أبيض

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى