مفالات واراء حرة

الدروس المستفادة من كورونا

الدروس المستفادة من كورونا

كتب / حامد خليفة
إننا نقدر نعيش من غير كوره ودوري ومشاحنات عادي
فيروس كورونا بيقول للبنت
انك ممكن تتجوزي من غير فرح وتكلفه كتير
فيروس كورونا بيقول للي مبيطلعش من القهوه وعاملها بيته
إن مالكش بيت غير البيت اللي فيه ولادك ومراتك وإنك تقدر تعيش من غير الشيشه
فيروس كورونا بيقولنا
الجامع مش هيفضل متاح لنا على طول احنا اللي مقصرين أو تاركين الصلاة
وان العمرة اللي بقالنا سنين بنأجل فيها رغم توافر ماديتها ممكن يُحال بينا وبينها في لحظه
فيروس كورونا بيقولنا
ان الشهرة بتاعة المهرجانات والملايين واحلام المغيبين اللى معاهم فلوس مش هتنفعهم وان اصحاب العلم بس هم اللى هينتصروا في الآخر
فيروس كورونا بيقولنا
إن مهما كان معاك ملايين وتقدر تلف بيها العالم في لحظه ممكن تنعزل عن العالم وتقعد في بيتك وفلوسك مش هتنفعك
فيروس كورونا بيقولنا
نهتم بالناس الغلابه المنسيين اللي الدنيا جايه عليهم كتير واننا مش لازم نحس بيهم في رمضان بس لازم طول السنه
فيروس كورونا بيقولنا
إن الناس الكبيره اللي نتريق عليهم دول يبقوا أبويا وابوك وامي وامك وانهم ضعاف جدا ولازم ناخد بالنا منهم
اتعلموا من الدروس ديه لأن وارد ميكونش في وقت تاني نتعلم فيه تاني
من رحم الإبتلاءات تخرج الرحمات …والمحن تحول لمنح
اللهم ارحم ضعفنا وقلة حيلتنا وعافنا واعف عنا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى