خواطر

“التعليم باظ يا جدع “بقلم – محمد حمدى

التعليم باظ يا جدع
بقلم – محمد حمدى
مرسى : “هو أنا طالب فى ثانوى ، ولا باحث ؟!”
بهجت : “التعليم باظ ،يا جدع!”
الأبلة : “هو ده النظام الجديد ، يا مرسى “
بهجت : “هو أنا لسه هأقعد أربعتاشر سنة كمان فى النظام الجديد ؛ دا أنا كدا بقى هتخرج على المعاش”
أحمد : “النظام القديم مطلع عباقرة كبار ، زى طه حسين ، ونجيب محفوظ ، وأحمد زويل …”
الأبلة : “بس الزمن اتغير “
بهجت : “المجارى طفحانة فى المدرسة ، والشبابيك مكسرة ، ويقولولك نظام جديد “
أحمد : “أنا معاكى إن الحفظ ملهوش أى قيمة بدون فهم، بس لازم يكون فيه منطق فى التغيير “
مرسى : “أنا عاوز ورقة ، وقلم زى زمان؛ وهأحل الإمتحان فى ربع ساعة “
بهجت : “وخلو الكتاب معانا فى الإمتحان ؛ أصل أنا عجبنى قوى حكاية الكتاب فى الإمتحان ، لإنى بصراحة أنا كنت عاوزه معايا مِن زمان ؛ كنت زمانى متخرج وفى الشارع”
الأبلة : “اقعد معوج ، واتكلم عدل ، يا بهجت”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى