عاجلمفالات واراء حرة

الا رسول الله (مولد وإنفض) بقلم / نورا عواجه ..

الا رسول الله (مولد وإنفض) بقلم / نورا عواجه ..

 

قامت الدنيا ولم تقعد منذ أيام بمجرد ما سمعنا إن رئيس وزراء فرنسا ماكرون أساء للرسول صل الله عليه وسلم ، ازاى يعمل كده ؟! ده طبعا لسان حال كل المسلمين .وكل المسلمين وبعض المسيحيين برضوا غضبوا جدا لاساءة الرسول ،

ونزلت البوستات واتغيرت الصور الشخصيه وصور الغلاف ( الارسول الله ) نُصرة لرسول الله ، وال قدر يقاطع المنتجات الفرنسيه قاطع بدون تردد ،

ولينا كام يوم على الحال ده خصوصا وإن الاساءه جات فى ايام احتفال المسلمين بمولد الرسول.. كل ده جميل ،لكن ياترى هنفضل على الحال ده لامتى ..؟! ومع ذلك انا واحده من الناس شايفه ان الاساءه لرسول الله كانت مننا إحنا أولا !! واحنا ال ادينا الفرصه لفرنسا وغيرها انهم يستهزءوا برسولنا ودينا وبينا كمسلمين،

احنا مع الاسف وصلنا لحال لايسر عدو ولا حبيب ، احنا مش راضيين بالإساءه أه ، بس راضيين إننا نقلد الغرب ال هم نفسهم بيطبقوا قواعد الاسلام ال احنا أبعد ما يكون عنها ، غيرنا الصور الشخصيه وصور الغلاف أه ، بس ميغرناش أخلاقنا ولا سلوكنا ، أعلنا المقاطعه أه ، بس متمسكين بعادات وتقاليد الإسلام والرسول منها براء ،

الشباب غضبان من الإساءه بس الأغلب ميعرفش اسم الرسول كامل ولا يعرف أركان الاسلام ولا حتى الفرق بين الفرض والسنه، البنات غاضبات بس بيلبسوا زى الولاد وأسوء شويه ويقعدوا فى الكافيهات ويشربوا شيشه ، (الا من رحم ربي) الأباء والامهات غضبنين بس سيبين ولادهم يعملوا كل الغلط بحجه إن دى الموضه والتقدم والمدنيه ،

ولا حول ولا قوة الا بالله ، المسلمين كلهم غضبنين بس محدش بيسأل على حد ، ولاحد يعرف جاره بات شبعان ولا جعان ، زعلانين من الإساءه بس مش بنصل الرحم وبنرمى ولادنا فى النيل ونسيبهم يموتوا من الجوع بس علشان ننتقم من بعض ، زعلانين وبنحط الام والاب فى دار مسنيين علشان نرضى ازواجنا وزوجاتنا ،

زعلانين جدا على الاساءه وبناكل مال اليتيم ، بنسرق ونكدب ونغش ونظلم ، (فين النُصرة فى كل ده) بنحتفل بمولد الرسول بس مش بنعمل حاجه غير اننا ناكل حلاوه ونسمع الاغانى والافلام الدينيه فى يوم المولد..!! ياترى لو الرسول ماشي فى الشارع دلوقتى كام واحد هيطلب منه يدخل بيته بقلب جامد لانه بيطبق سنته وماشي على نهجه ؟!

الرسول ربنا حاميه وكافيه شر المستهزءين قال تعالى (إنا كفيناك المستهزءين ) وقال كمان( إلاتنصروه فقد نصره الله ) ياترى كام واحد فينا غير من نفسه ومن سلوكه ومن بيته نُصرة لرسول الله ؟!

ياترى لو الرسول سأل كل واحد فينا انت عملت ايه علشان تنصرنى هيرد يقول ايه ؟! الرسول مش محتاج مننا نتكلم ونغير صور ، قد ماهو محتاج يباهى بينا الامم باخلاقنا وسلوكنا الرسول

قال (( تركت فيكم ما ان تمسكتم به لن تضلوا بعدى ابدا كتاب الله وسنتى)) واحنا لو طبقنا الحديث ده لا فرنسا ولا العالم كله هيقدر علينا.. واتمنى من الله الا يكون الغضب لرسول الله مولد وانفض .. واخيرا نُصرة لرسول الله عودوا الى سنة رسول الله… والسلام..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى