مفالات واراء حرة

اعتذار ام

اعتذار ام
بقلم
ممدوح عكاشة

انا ام لطالب بثالثة ثانوي هذا العام يعني اول دفعة من دفعات التابلت المنكوبة وحابة اقول كلمة لأبني
اعتذر ليك يا ابني لانك كنت متفوق بالاعدادية ودخلتك ثانوى عام لانه مكنش ينفع ادخلك حاجة غير الثانوي العام علشان تحقق حلمك

اعتذر ليك يا ابني اني شديت عليك من صغرك وخليتك تجتهد وتكون دايما من المتفوقين لغاية ثالثة اعدادي وعلمتك وفهمتك ان الجد والاجتهاد هو بوابة المستقبل المشرق

اعتذر لك يا ابني لاني كنت فاكرة ان روح الاجتهاد والتفوق هتكون طريقك لمستقبل واعد .
اعتذر لك يا ابني على سنين قضيتهم من عمرك لم تستفد منهم اي شيء وخرجت منهم بمحصلة علمية ومعرفية صفر .
اعتذر لك يا ابني لان التابلت بدل ما يساعدك كان هو وسيلة فشلك وضياعك وتشتتك .
اعتذر لك يا ابني لاني دخلتك ثانوي بمنظومة جديدة ولم تجد فيها لا مناهج مناسبة لها ولا مدرس فاهمها ياخد بايدك ويساعدك .
اعتذر لك يا ابني علشان عيشتك حتى هذه اللحظة قلق التخبط واصدار القرارات شبه اليومية لمرحلة مصيرية من عمرك .
اعتذر لك يا ابني علشان وعدتك ان المنظومة الجديدة هتشيل منك رعب الثانوية العامة وهتكون تراكمية مش سنة واحدة وهتمتحن كل سنة اربع امتحانات ويتحسبلك منهم درجات اعلى امتحانيين وطلع كله كذب فكذب واصبحت الثانوية العامة قمة الرعب بالابعاد الثلاثية المجسمة .
اعتذر منك يا ابني اني رميتك ببحر قبل ما اعلمك السباحة لا كتاب مدرسة ولا دروس وسناتر ولا شرح ولامدرسة ولا اسئلة من المناهج .
اعتذر لك يا ابني لانك طوال ثلاث سنوات لا أحد دربك ولا علمك ولا مناهج حتى اتغيرت تساعدك على النظام الجديد .
اعتذر لك يا ابني علشان النظام الجديد اللي حكيت لك عنه وانت داخل سنة اولى لم تجد منه اي شيء سوى اسئلة تعجيزية يتحدى واضعها ان يحلها المدرس قبل الطالب .
اعتذر لك يا ابني امتحنت ثانوية عامة بالنظام الجديد والامتحان وقته غير كاف مع تسريب امتحانات بعد ربع ساعه من بدايته لن هضمن لك تكافوء الفرص ما بينك وبين زمايلك وهشوف الظلم بعينى ومش هقدر اتكلم ولا انصفك .
اعتذر لك يا ابني أنى صدقت كلام الوزير فى بداية قرارات ولكن يصدر القرار ثم يسحبه وكان كلامه كله وعود بدن تحقيق الوعد .
اعتذر لك يا ابني بعد امتحاناتك وحسيت انك اتظلمت بمادة مش هقدر اتظلم ولا ادافع عن حق من ابسط حقوقك لان نظام البا بل شئت والتصحيح الالكترونى لا يوجد لها تظلمات فالوزارة قررت ان تكون الخصم والحكم .
اعتذر لك يا ابني ان وزارة كاملة اقرت عليك تدميرا لمستقبلك ونفسيتك وهي تحسبه تطويرا .
اعتذر لك يا ابني على كل احساس بالقهر والظلم وعدم الحيلة وانت شايف حلمك اللي كبر معاك ومعايا بيضيع وانا مش قادرة اساعدك .
انا راضيه عنك ومسامحاك يا ابني لاني عارفة اللي اتعرضت له واللي عشته وانا عشته معاك لحظة بلحظة وفوضت امرى الى من لا يغفل ولا ينام استودعته مستقبلك وحياتك
رساله من ام قلبها وجعها علي ابنها

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى