عاجل

إتعادِلنا مع بلطيم ياما!

إتعادِلنا مع بلطيم ياما!
كتب الحِوار-محمدحمدى
فَرنسا : مَالك يا لِلمبى دَخلت البيت مِن غير إحم ،ولا دِستور،ودَخلت أوضتك،وقفلت على نفسك؟! متكونشى بلطيم فازت علينا؟
اللِمبى : دا الحمدُ لله إنك مروحتيش الماتش ياما!
فرنسا : خير يا لِلمبى! إيه إللى حَصل؟ طمنى أنا الأنفلونزا مدوخانى إتكلم على طول متتعبنيش؟!
اللِمبى : إتعادِلنا مع بلطيم ياما!
فَرنسا : يا مصيبتى! يا مصيبتى !
اللِمبى : أنا قولت :”أخُش أذاكرأحسن ،وبلاش أقولِك على إللى حَصل “
فَرنسا : هو الكابتن / أحمد مُصطفى ،نَزل بمين ؟
اللِمبى : محمد شمس مُحارب ،حارس مرمى.
فرنسا: ربنا يحميه،ويفرجها عليه،والسِندباكات يا للِمبى؟!
اللِمبى : السِند باكات دى هى المُشكلة ياما،لإن الكابتن/ أحمد مُصطفى ،مُصمم يلعب مُصطفى حديفة ،سِند باك شِمال،وسايب الوحش/عبدالقادر قورة،بره!
فرنسا : مُصطفى حديفة من أول ما حط رجليه فى دِسوق وهو هاف شِمال ،ولما نعوز نزيد فى الهجوم بيزيد هاف ديفندر تالت ،وبنزل هاف شِمال جنبه،دا ده فى أخر الماتش ،وإحنا مغلوبين. ومين كان جنبه يا للِمبى؟
اللمبى : محمود مُغازى،كان بيلعب سِند باك يمين ،جنب مُصطفى حديفة.
فرنسا:محمود مُغازى سِند باك كويس ،وجايب هدف فى بسيون،بس كان لَعب كريم لُطفى جنبه ،دا لو كان فيه مُشكلة عند عبدالقادرقورة!،ومين إللى كانوا فى مركز الظهيرين يا لِلمبى؟
اللِمبى : الحلواجى ظهير أيمن،والخَليجى ظهير أيسر.
فَرنسا: الحلواجى تمام بس محمود هِلال خِبرة عنه،والخليجى بصراحة أنا لسه مشفتهوش! ومين فى التشكيل تانى يا للِمبى؟
اللِمبى : إسلام محمد ،باك ديفندر ،ومحمود مسعود ،هاف ديفندر،وعبدالرحمن جاد ،هاف شِمال،ومُصطفى عنتر، هاف يمين،والشيخ ،راس مُثلث هجومى!
فرنسا : تمام! يعنى المُشكلة كانت فى خط الضهر بس؟
اللمبى : المُشكلة فى خط الضهر ياما!
فرنسا : الدرجة الرابعة بتنادى علينا يا للِمبى!
اللمبى : بتنادى علينا ياما!
فرنسا: هنلعب مع مركز شباب دِسوق،وسنهور المدينة السنة إللى جيه يا للِمبى!
اللِمبى: هنِلعب ياما،بس قولى : “إن شاء الله”!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى