الشعر

"إبنى راجل" ..بقلم حسام غنيم

إبنى راجل
قالتها أمه فى عزأحزانها
على إبن ليها شهيد لينا
وزغرتوا دا عريس الليلة
مع كل الشهدا من بيت العيلة
هاتزفه ملايكة وكل حبيب لينا
بعروسة حورفضل الله علينا
إنه شهيد لكل العيلة شافع ليها
وتمشي بروح حواليا شديدة
تقوى كل اللى فيها عظيمة
مع إنها ماشية بموكب نورعنيها
تلمسة وبوسة بجبينه
مايحسها ولا يشوفها غيره
وحديث الصمت بين عنيها
بنظرة وداع ليه قال كل اللى فيه
ياما أنا شهيد روحى حواليك
ماهاتغيب عن نور عنيك
ولا هاتبعد عنك وتحرس أراضيك
ومتخافيش يوم عليها
دا أنا وكل حبايب فدنها
ولدين الله حافظنا بقلوبنا
ونطقنا الشهادة وإحنا بنفديها
وإن إتغدر بينا النهاردة
بكرة جاى نار قايدة عليهم
بولاد شداد بيحبوا لينا
وإحنا بروحنا طايرة حواليهم تقويهم
وتحفظ كل حبة رملة من أراضينا
حب الوطن ياما زرع فينا
وبالدم هو سرحياة فينا
وإمسحى دموعك بضحكة فرحة
إنى شهيد دى الليلة
وقولى لإخواتى وصحابي حافظوا عليها
وبنت كان نفسي أعيش ليها
زينة هى النهاردة بشهادة بين عنيها
دا حبيبي راجل وفدا أراضينا
سلموي عليها ماهى وطن قوى بينا
دا شهيد اليوم فى رسالة ليكم
وكلمة أم وهى بتودعه
دا راجل لكل شاب وبنت بلدنا
مع ضعف حال وقلة حيلة
بس الوطن أغلى من نور عنينا
هى مش حكاية ولا كلمة ليكم
دى رسالة بروح شهيد بتنادى عليكم
إنه فرحان بشهادة فدتكم
يارب يارب يارب يهدى طريقكم
وتحافظوا على بلدكم
وتنسوا كل اللى عدى واراح منكم
وتبصوا لمستقبل هايبقى بيكم
بوحدة وعمل وجهاد لوطنكم
وإفتكروا دم سال فى أراضيها
علشانك وكل حبة رمل فيها
خافوا عليها خافوا عليها خافوا عليها
وسامحوني إتأخرت عليكم
كان عندى ذكرى عزيز قوى علينا
رحل مع إنه زيكم من القلب للوريد فينا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى