الأبراج

أبراج اليوم: برجك وحظك اليوم السبت 10 -10-2020

أبراج اليوم: برجك وحظك اليوم السبت 10 -10-2020

برج الحمل


مهنياً:شغل بيومك وقصص متراكمة يومك اجتماعي وعلاقات وامور بتخص شغلك لا تتأخر بمواعيدك وبأنجاز اعمالك او تعمل مشكلة مع حدا .. في مال بيشغلك ومستلزمات وكتير وارد تقبض بس بتحس مافي شي عم يكفيك ومصاريف كبيرة واذا مفكر بسفر قصير جهز حالك .. اجواء وعلاقات بتكتر او اذا بحاجة مساعدة فيك تطلب المسا ولمة حلوة وناس حواليك ..
عاطفياً:اختبارات عاطفية وعلاقات ممكن تطور لحب .. بدي تنتبه لعلاقتك على الاقل فترة صبح في سوء تفاهم وناس حواليك عم تسبب أزعاج لا تخلي حدا يدخل بوضعك وكون حذر لتصرفاتك مع الشريك .. تدريجي لاجواء افضل تعارف وتحسن وارتباط .. ولاجواء فيها علاقات حميمية وشغف عاطفي بلاخص المسا ..
صحياً:مراجعة او زيارت طبيب بيومك ممكن الك او لحدا بالعيلة..
❤غنيتك❤اليوم:لا تذكرني بحبك ياغلاتي ولا تذكرني بماضيك الجميل ..علي الخوار

 برج الثور


مهنياً:فايق بكير تنقلات او سفر وخلص ضروري والمهم وفرصة لازم تستغلها .. في ناس جديدة بيومك في ثقة وتواصل ونفسيا افضل اتصالات ولقاءات منها مصيرية ومهمة .. لازم تثبت جدارتك وتغير من طريقتك لتنجح حاول تنهي المهم هاليوم ممكن في شي بخص مركز بشغل او اختبار لا تصطدم مع حدا من اهلك او بشغلك ودافع عن حقك والبعض ممكن شغل جديد او مال من شغل بس بنفس الوقت نتبه من ناس نمامة والمنافقة ..
عاطفياً:رغم تجاهل الي عم يصير بالفترة الماضية والخطوة الاخيرة ماعم تكمل معك في تقارب بوجهات نظر واتصالات متبادلة واعجاب وتواصل .. كتير لازم تستغلك هالفترة فترة لتعبر عن عواطفك وتحسن وضعك .. في انسجام وتجاوب ولاجواء منيحة بلاخص اذا في لقاء .. حاول تتجاهل بعض الامور بعلاقتك ولا تهتم بحدا ماعم يعطيك لاهتمام ولا بيستاهل مو كل ماحدا حكي كلمة تصدقوا في نفاق بالمشاعر من قبل البعض ..
صحياً:معرض لوعكة صحية وضغطك عم يأثر عليك .. بس البعض بيرتاح من وعكة صحية ..
❤غنيتك❤اليوم:حافظك عن غايب .. جوزيف عطية

 برج الجوزاء


مهنياً:قصص مالية والتزامات باول نهارك وتدريجي الامور بتتحسن وتغيرات مفاجئة بوضعك العام بالأخص القمر بيدعم حظوظك .. حدد اولوياتك بهاليوم لتتخلص من ضغوط وتغير روتينك لتتحسن امورك تنقلات وسفرة قصيرة واتصال او لقاء مهم وبتحسم خياراتك وقراراتك وعندك مكافئة لجهودك وعقار بيشغلوا والبعض عندو حركة تجارية او بيع وشراء واتفاق ..
عاطفياً:نتبه لتصرفات وكلامك باول نهارك شكلك مدايق من شريك وبتحس مافي اهتمام وبكون مهمل وغير مبالي او تأخير بالمواعيد حاول تحط حد له لامور بس بدي ياك تكون دبلوماسي .. تحسن كبير بالوضع رح يكون تدريجي بهاليوم لا تكبر القصص غيمة وبتمر .. وكتير عم تتحسن الامور العاطفية عندك وبتستقر الاحوال نوعاً ما وبتقضي اجواء حلوة بلاخص الي مرتبط جديد والاعزب .. يوم ممكن البعض عندو تنقلات او مشوار مع شريك وممكن تسافر مع شريك او لتلتقي شريك وحميمية بيومك ..
صحياً:بتتحسن امورك صحية بس بدي منك تباشر ممارسة بعض الأنشطة الرياضية ..
❤غنيتك❤اليوم:مذهلة…محمد عبدو

 برج السرطان


مهنياً: في ركود وطاقة ضعيفة ومافي شي عم يكمل وعم تحل قصص ومشاكل بيومك حاول تبتعد عن المواجهات على الاقل باول نهارك .. تدريجي لامور ممكن تتغير للافضل استغل الاجواء لتحسن نفسيتك في مال بيشغلك ونفقات وفواتير وصرف زائد ونقاش بخص شغل لازم تستغل الفرص بهاليوم وتكون ذكي في مال وتحسن بمدخولك افضل من قبل ..
عاطفياً:أتستثمر الوقت بالحلول مع الشريك وبلا نقار او كلام مو وقتو وخلي مشاكلك الأخرى بعيدة عن الوضع العاطفي .. هلق تراكم المشاكل ممكن مايخلي الوضع منيح .. لهيك في اجواء حلوة بدي ياك تستغلها وتوجد حلول وتقارب وبلا مزاجية وشكوك .. بس البعض اموره فيها تحسن وأرتباط وممكن فرصة لتلتقي بحدا الك زمان ماشفتو او بعد فترة جفا..
صحياً:التهابات وكريب وصعوبة بالبلع اثناء طعام.
❤غنيتك❤اليوم:فكرتك صح وكانت هيدي غلطة عمري .. أدم

 برج الاسد


مهنياً:مسؤوليات ومضغوط صبح وعلاقات اجتماعية .. حاول تخلص شغلك بنهار ولا تأجل شي عندك اختبار ومسؤوليات وماعم تلحق او زيارات كتيرة وناس عم تعبك وتسبب ارهاق بلش بالمهم لتخلص وترتاح .. تدريجي بترجع الثقة من جديد وفي حواليك ناس جديدة ومعارف وممكن عمل او مشوار جماعي وفي مال وصرف وبدك تشتري شي .. والبعض بناقش موضوع شراكة ..
عاطفياً:فترة اختبار في غيرة وشكوك وقلبك مو مطمن رغم هدوئك بس مزعوج من جوا مابدك تكبر القصص وعم تراعي المشاعر وعم تتحفظ على بعض الامور خفف حساسية ومزاجية رغم اهمال الشريك .. ممكن طالب بحقوق الك بلاهتمام اكتر لقاءات واتصالات وبتعزز شراكتك العاطفية وممكن البعض مقبل على فترة فيها خطبة واتفاق مهم صح بدا وقت لكن نهاية متل مابدك بتكون نشالله بلاخص المعالم رح تتوضح قريباً ..
صحياً:صحتك بحاجة للاهتمام .. الأهمال ممكن يوقع بوضع صحي ريح جسمك ونفسيتك ولا تتأفف كتير .
❤غنيتك❤اليوم:طيبو لقلبي طيبو .. ربيع بارود

 برج العذراء


مهنياً:رغم طاقة الي عندك وخبر ممكن تسمعو في قصص مالية بيومك وعندك تنقلات او سفرة قصيرة او شي مفاجئ وبتشغلك امور قضائية وقانونية عندك .. بدك تلحق وتخلص كلشي لان مضغوط بقصص كتير وناس وهاشي ممكن يتعب صحتك حاول لا تأجل شي ونتبه ع الوضع من ضهر وركز بشغلك وممكن نقاش بشغل او موضوع مع شخص مقرب ..
عاطفياً:تغيرات عاطفية والاجواء مشجعة وبتاخد قرار مهم بوضعك.. احساس جديد وتواصل واتصالات جذاب بحضورك واطلالتك وبتخطف الاضواء وبتكسب قلب الجنس الاخر .. البعض حاول تهدي بنقاشاتك مع الشريك وبلا حكي مافي داعي الو ولا كتير تكون دقيق وتوجه ملاحظات ونصائح حتى مايصير سوء تفاهم وبلاخص بعض التلميحات الي بدايق الشريك لانك بتعرف غيرتو عليك ..
صحياً:ممكن تزور طبيب او مراجعة بس اذا حسيت بخربطة بجسمك ضروري تسارع للحل ..
❤غنيتك❤اليوم:روح ونساني خلاص..راشد الماجد

برج الميزان


مهنياً:قصص عائلية وتدريجي تحسن وطاقة واخبار حلوة ..هدي بفترة صبح ولا تعمل مشاكل مع حدا ولا تتدخل بجو متوتر يسبب ضغط نفسي رح ترتاح وتحسم امورك وخبر بريحك وقصص مالية ومصاريف ولمة حلوة والبعض بتشغلو قصة انجاب و الاطفال وممكن سفرة قصيرة او مشوار ومعايدات ومفاجئة حلوة الك ..
عاطفياً:بنهارك في شوية نقار من صبح وقصص عم تخليك متنرفز ومدايق وبحاجة لحلول وبلاخص المرتبط .. حاول تساير وتلاقي حل لوضعك .. بتتحسن الامور وتغيرات لصالحك وممكن تتغلب على المخاوف وتتخذ قرارات مهمة والبعض عندو اتصال مميز امورك العاطفية افضل اذا في مشاكل لتلاقيلها حل او ارتباط جديد ..
صحياً:نتبه على صحتك ولا تكون متنرفز وعصبي هاشي مو منيح لصحتك وتحسن صحي افضل نشالله..
❤غنيتك❤اليوم:مامرق متلو مامرق..جوليا بطرس

 برج العقرب


العقرب ♏
مهنياً:اختبارات وتنقلات واتصال ومساعدة وضهر قصص عائلية وعقارية .. ممكن تتلقى دعم لا تخاف بتكون واثق بحالك وبتعرف تنظم امورك .. بتعيد حساباتك بهذا اليوم وفي لقاءات واجواء منيحة وتنقلات .. في امور بالبيت بدا تشغلك على صعيدك العائلي والعقاري يمكن تفكر او تنقل مكان سكن او تجهز او تشتري عقار او تصليحات ضمن بيتك او مساعدة من اخ او اخت .. بتتجاوز بعض العراقيل وفي قصة عم تأجلها بهالوقت ..
عاطفياً:في مصالحات بيومك وارتباط للاعزب .. استغل يومك لتكون ضمن جو حلو بلقاء او اتصال هادي ورومنسي مع الشريك بتكون مميز واتصال طويل بتقضي وفي مشاعر اليوم غير بتكون .. لمهم لا دخل الامور العائلية هالفترة بعلاقتك .. اذا كان في زعل او جفا نشالله الامور بترجع ومفاجئة بيومك بتريحك .. برجع بنبهك من قصص رسائل او اتصالات حتى ماتنكشف او تسبب الك وجع راس..
صحياً:تعب وارهاق وعم تشتغل كتير ريح حالك ونام منيح ..
❤غنيتك❤اليوم:انت خلتني…ام كلثوم

 برج القوس


القوس ♐
مهنياً:مال بيشغلك وتنقلات واتصالات ولقاءات مهمة عندك جهز حالك ..ممكن تحصل على المال بهاليوم ومصاريف بتكبر عليك شخصياً .. الحظ بكون داعم ولا تدخل بنقاش وجدالات صبح ومن ضهر انت افضل ممكن تلتقي حدا مهم واتصال وخبر منيح وتنقلات وعزيمة وناس بتحبا وبتجهز الاختبار وسفر قصير اذا بدك والبعض عندو شي بخص البيع والشراء وحركة بتخص اوراق ..
عاطفياً:محتار بوضع شريك واهمال منو .. حاول تهدي بنهارك وبلا مواضيع ممكن تعبك الك وبس روق بنقاشاتك وبكلامك وساير شوي ولازم تتنازل لشريك اذا بيستاهل بس مرق فترة الصبح على خير من ضهر تغيرات واجواء حلوة لصالحك واتصالات بتكتر ورومنسي بيومك والبعض بيدخل بعلاقة وتطورات نحو الافضل ..
صحياً:ضغط ودوخة ونتبه من الحوادث ونتقلات ومشاكل المواصلات وبعض الالات الحادة ..
❤غنيتك❤اليوم:صدقني خلاص..عمر دياب

 برج الجدي

 

مهنياً: تعبان وامور عم تشغلك ضغط عليك كتير بس هاشي على مدا البعيد افضل ..رغم المتعاب المالية والعائلية والاخبار عم تكون دفعة وحدة عندك تنقل كتير بهاليوم ومواضيع بدك تلاقيلا حل ومابنصحك تأجل شي خلص المهم وضروري عندك لحتى ترتاح بلاخص عائلياً او مايخص العقارات .. اتصالات كتيرة بيومك وبتحسم خيارات .. بيشغلك المال برغم المال الي وصل لايدك عندك مصاريف ومستلزمات وامور شخصية ضب ايدك ع مصاريفك وممكن تقبض وعم تفكر تشتري او تجهز شي ..
عاطفياً:بنهارك بتكون امورك افضل لتعالج وتلاقي حلول لبعض توترات وممكن لقاء مع شخص غريب او اتصال او عم تخطط لشي مع الشريك لاعزب امورك افضل وقصة حب بتشغلك والايام جاي في تطورات بحياتك الشخصية بشكل كبير مع حب جديد .. بتحس بمزاجية وتقلب بدك تراعي الوضع ولا تكبر الامور وطنش شوي وبلا عصبية وامورك بخير المهم التصرف الجيد والحذر بمعاملتك مع الشريك ..
صحياً:بحاجة لراحة لان حاسك مدايق نتبه من تنقلات هاليومين وحوادث السير وممكن بعض التهابات ومشاكل جلدية وصداع بالرأس شديد ..
❤غنيتك❤اليوم:ماقلتلك انتي وردة ومش محسوبة ع البنات .. وفيق حبيب

 برج الدلو


مهنياً:عم تشغلك امور البيت وقصص بشغلك او وضع حدا مقرب وممكن تعمل تعديلات وتصليحات ومضغوط بتكون ..القمر بيدخل برجك بيعطيك طاقة وحظ وبترتاح من بعض المشاكل والعراقيل واجواء اجتماعية ورح تسمع خبر حلو ضهر واتصال مهم روق باول نهارك والحظ تدريجي بحالفك وثقة بترجعلك من جديد ممكن تحصل على المال هاليومين وعزيمة وسهرة وناس الك زمان ماشفتا ..
عاطفياً:مرحلة اختبار بعلاقاتك وتدريجي بتنقلب الامور لصالحك … ارتباط وحب بيكبر واجواء رومنسية مرحلة حساسة بحياتك العاطفية المفروض تعرف كيف تتجاوزها مابدي ياك تتشائم وتفقد الامل او تعصب من وضعك وتحس حالك وحيد ومنعزل لان اليوم انت افضل وبتحصل على شي بدك ياه او اجوبة الاسئلة شغليتك وتحسن كبير رح يكون عندك ومصالحات لمهم تساير شوي وتستغل طاقتك العاطفية لمصلحتك ..
صحياً:اضطرابات ومغص وخفف شرب منبهات وتدخين ..
❤غنيتك❤اليوم:لا بأحلامك .. جوليا بطرس

 برج الحوت

مهنياً:مال بيشغلك وعلاقات اجتماعية وقصص حكومية .. الحظ بكون معك بلاخص بالعاطفة والمال بين دفع وقبض وعزيمة .. بدك تلحق يمكن عم تحضر لشي مهم وبتشوف ناس غالية عليك واذا بحاجة مساعدة فيك تطلب ولا تتردد .. عم تواجه ضغوط ومسؤوليات لكن انت قادر تتجاوزها ومافي خوف عليك .. يوم في اجواء حلوة وعزائم وناس جديدة بشكل عام علاقات وتعارف وناس مهمة بيومك والبعض عند شغل مع مؤسسة مهمة او شخص مهم ..
عاطفياً:حب وعاطفة ومن ضهر حاول تهدي ولا تكون مزاجي .. في رواق بيومك من صبح ونقاشات وروحك مرحة ولاعزب في تعب بوضعك اصبر شوي وبتنحل امورك رغم العين عليك وفي محبين بمحيطك او على مواقع تواصل ونظرة اعجاب مبدئية .. تغيرات لصالحك وعلاقات حميمية وسرية عم تزيد عند البعض .. من ضهر حاول لا تفرض شي على الشريك وتصلح الامور بهدوء وبدبلوماسية وانا بنصحك تبعد عن المواجهات احسن الك لان المسا مابتوقع الامور لصالحك والحظ ماعم يخدمك بشكل الكافي روق وبلا ماتوتر الوضع ..
صحياً:التهابات ونتبه من الالات الحادة او من وقعة وضربة وتحسن صحي للبعض ..
❤غنيتك❤اليوم:احبك اكرهك اسيبك اندهك .. عمر دياب

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى